ყველაზე მდიდარი იტალიელი საქართველოში ბიზნესს 2007 წლიდან ფლობს

მიკელე ფერერო
ჯამური ქონება: 19 მილიარდი დოლარი
Forbes -ის სარეიტინგო პოზიცია: N23 მსოფლიოს მილიარდერთა სიაში, N1 იტალიის უმდიდრეს ადამიანთა შორის
ასაკი: 85 წელი
სიმდიდრის წყარო: შოკოლადის წარმოება
საცხოვრებელი ადგილი: მონტე-კარლო, მონაკო
მოქალაქეობა: იტალია
საოჯახო სტატუსი: დაოჯახებული
შვილები: ორი

მიკელე ფერერო ევროპის ერთ-ერთი უმდიდრესი და თან ყველაზე მეტი საიდუმლოებით მოცული მაგნატია. შოკოლადის იმპერიის მესაჭემ შარშან კინაღამ კიდევ უფრო გაიფართოვა სამფლობელოები, როცა ბრიტანული Cadburry -ს შეძენა დაგეგმა, მაგრამ მოგვიანებით გარიგება აღარ შედგა.
თუმცა ამას მისი სიმდიდრე და გავლენა ოდნავადაც არ შეურყევია.იტალიის უმდიდრესი ადამიანი პრაქტიკულად ერთპიროვნულად აკონტროლებს კომპანია Ferrero -ს, რომელიც მთელი მსოფლიოსთვის ცნობილ და პოპულარულ Nutella -ს შოკოლადის კარაქს, Raffaello -ს კანფეტებს, Tic Tac -ის ტკბილ აბებს, Kinder -ის სათამაშოებიან კვერცხებს და კიდევ არაერთი სახის ნუგბარს უშვებს.
2009 წელს Ferrero-ს გლობალურმა გაყიდვებმა 8,8 მილიარდი დოლარი შეადგინა. მთელ მსოფლიოში მის 18 ქარხანაში 21 ათასზე მეტი ადამიანი მუშაობს და საწარმოო ხაზის გაფართოებაზე ზრუნავს. შედეგად, შარშან კომპანიამ ახალი დესერტი Gran Soleil წამოადგინა, რომელიც ნაყინის მოყვარულებში ჰიტად იქცა.
პროცესებს მიკელე ფერერო უპირატესად მონტე-კარლოდან ხელმძღვანელობს, რომელიც მისი ძირითადი საცხოვრებელია. მაგნატის შვილები კი ევროპის პოლიტიკურ დედაქალაქში - ბრიუსელში ცხოვრობენ.
საქართველოში ბიზნესი Ferrero -მ 2007 წელს დაიწყო. კერძოდ, სამეგრელოში 1 600 ჰექტარი მიწის ნაკვეთი შეისყიდა და თხილის პლანტაციების გაშენებას შეუდგა. პირველ ეტაპზე კომპანიას 8 მილიონი დოლარი აქვს ინვესტირებული და სამომავლოდ ამდენივეს დახარჯვას დამატებითი პლანტაციების გასაშენებლად აპირებს.
თხილის პირველ მოსავალს 2013 წელს ელოდებიან. საინვესტიციო გეგმა თხილის გადამამუშავებელი ორი ქარხნის მშენებლობასაც ითვალისწინებს. შედეგად, Ferrero -ს მიერ საქართველოში დაბანდებული ინვესტიციების მოცულობამ 20 მილიონ ევროს უნდა მიაღწიოს.

წყარო - Forbes Georgia

ყველაზე საინტერესო ქალაქები იტალიაში: TOP-10.

თუ საბერძნეთი ცნობილია თავისი უნიკალური კუნძულებით, იტალია ცნობილია თავისი უნიკალური ქალაქებით. აპენინების ნახევარკუნძულზე მდებარეობს ბევრი  ლამაზი და საინტერესო ქალაქი ყველანაირი თვალსაზრისით: იქნება ეს კულტურა, ისტორია, არქიტექტურა და ა.შ. ყველაზე კარგი საშუალება იტალიის ქალაქების მოსანახულებლად არის მატარებელით მგზავრობა, რადგან იტალიური სარკინიგზო სისტემა ძალიან მოსახერხებელი და იაფია. ახლა კი გადავიდეთ უშუალოდ რეიტინგზე:

№10 გენუა

მდებარე ჩრდილო-დასავლეთ სანაპიროზე ულამაზესი ქალაქი უძველესი დროიდან იყო მნიშვნელოვანი საპორტო ქალაქი. რადგანაც ქალაქში მაღალ დონეზე იყო განვითარებული ვაჭრობა, გენუა არასდროს განიცდიდა უფულობას, მთავრობა კი ყოველთვის ზრუნავდა ქალაქის ინფრასტრუქტურის განვითარებისათვის. დღეს-დღეობით გენუა ისევ აღმავალ დგაზე დაადგა. 2004 წელს გენუა არჩეულ იქნა ევროპის კულტურულ დედაქალაქად.

№9 პერუჯა
პერუჯა არის უმბრიის რეგიონის დედაქალაქი. მისი ისტორია მდიდარი და კოსმოპოლიტურია. ჯერ კიდევ რენესანსის ეპოქის დროს მისი სამხატვრო სკოლა მთელს მსოფლიოში იყო ცნობილი. ამ სკოლის აღზრდილი ყველაზე ცნობილი მხატვარია რაფაელ სანტი. დღეს პერუჯა ცნობილია თავისი უმაღლესი სასწავლებლით - პერუჯის უნივერსიტეტით, რომელშიც მხოლოდ უცხოელები სწავლობენ.


№8 ბოლონია
ბოლონია - ემილია-რომანიის ადმინისტრაციული ცენტრი. ბოლონიის უნივერსიტეტი მსოფლიოში ყველაზე ძველი უმაღლესი სასწავლებელია. ის დაარსებულია 1088 წელს. დღეს ის შედის "მსოფლიოს 20 საუკეთესო უნივერსიტეტი"-ს რეიტინგის სიაში.

4 წელი ტურინი იტალიის დედაქალაქი იყო.

№7 ტურინი

ტურინი - პიემონტის ადმინისტრაციული ცენტრი. 1861-1865 წლებში ტურინი იტალიის დედაქალაქი იყო. დღეს ტურინი ცნობილია ავტოკონცერნ "ფიატი"-თ, უამრავი მუზეუმით, ელეგანტური მაღაზიებით და კარგი რესტორნებით. 2006 წელს ტურინმა ზამთრის ოლიმპიურ თამაშებს უმასპინძლა.

№6 ვერონა

თავისთავად ცხადია ვერონა მთელს მსოფლიოცი ცნობად ქალაქად გახადა შექსპირის "რომეო და ჯულიეტა"-მ. ამ პატარა ქალაქს დღეში ათასობით ტურისტი სტუმრობს იმ აივნის სანახავად სადაც ჯულიეტა იდგა.

№5 ნეაპოლი

ნეაპოლი სამხრეთ იტალიის ყველაზე დიდი ქალაქია. ქალაქიდან რამდენიმე მეტრში ულამაზესი ვულკანი ვეზუვია. ნეაპოლთან ახლოს ანტიკური ქალაქი პოპმეია, რომელიც  79 წელს ვულკან ვეზუვის ამოფრქვევის დროს განადგურდა. ნეაპოლი ასევე ცნობილია იმით რომ ადგილობრივ გუნდში თამაშობდა მსოფლიოს ლეგენდარული ფეხბურთელი დიეგო არმანდო მარადონა.

ქალაქი ნეაპოლი. უკანა ხედზე ვულკანი ვეზუვი

№4 მილანი

მილანი - მსოფლიოს ერთ-ერთი ყველაზე მდიდრული ქალაქი. ის ცნობილია ძვირადღირებული მაღაზიებით და რესტორნებით. ქალაქი მილანი ითვლება მოდის დედაქალაქად. ასევე მილანში მდებარეობს მსოფლიოში ყველაზე ხნობილი და პოპულარული საოპერო თეატრი "ლა სკალა"

№3 ფლორენცია

თანამედროვე ფლორენციაში 350 ათასი ადამიანი ცხოვრობს, რაც 10-ჯერ ნაკლებია ვიდრე იტალიის დედაქალაქ რომში. თუმცა ამის მიუხედევად შეგვიძლია ფლორენცია იტალიის კულტურულ დედაქალაქად მივიჩნიოთ. სწორედ ფლორენცია გახდა რენესანსის სამშობლო, ხოლო თანამედროვე იტალიური ენა ფლორენციულ-ტოსკანური დიალექტისგან წარმოიშვა. ქალაქში ძალიან ბევრი არქიტექტურული და კულტურული შედევრია თავმოყრილი. მათგან გამოსარჩევია: უფიცია გალერეა და აკადემია, პონტე ვეკიო, სანტა-მარია-დელ-ფიორეს ტაძარი და ა.შ.

№2 ვენეცია

ვენეცდია უნიკალური ქალაქია. ის აშენებულია კუნძულების არქიპელაგზე. ვენეციაში უამრავი ადგილია რომელიც ტურისტებს იზიდავს. ტურისტების რაოდენობით ვენეციას მხოლოდ იტალიის დედაქალაქი რომი თუ უწევს კონკურენციას.

ვენეცია - მსოფლიო შედევრი

№1 რომი

თანამედროვე იტალიის დედაქალაქი რომი უფრო მეტია ვიდრე უბრალოდ ისტორიული ქალაქი. ის ხიდია ეპოქებსა და კულტურებს შორის, რომელიც გვაძლევს იმის შესაძლებლობას, რომ ქალაქის თითოეულ ნაგებობაში შევიგრძნოთ ისტორიის სურნელი. ქრისტიანული სამყაროსთვის განსაკუთრებული ადგილი  - ვატიკანიც რომში მდებარეობს.

გადმოთარგმნილია www.blogoitaliano.com -დან